पुस ३ - श्रम तथा रोजगार मन्त्री रहेका बेला म्यानपावर कम्पनी दर्ता गराइदिनका लागि घुस माग्दै गरेको भिडियो सार्वजनिक भएका कुमार बेलवासेलाई उनको पार्टी नेकपा (माले) ले भने सफाइ दिएको छ। सो प्रकरणमा मुछिएका पार्टीका वैकल्पिक केन्द्रीय सदस्य भाष्कर काफ्लेले पनि सफाइ पाएका छन्।
बैठकले गरेको निर्णयबारे जानकारी गराउन मंगलबार आयोजना भएको पत्रकार सम्मेलनमा पार्टीका महासचिव सीपी मैनालीले भने, 'पैसा लिएको पाइएन भनेर किटान गर्नु भनेको उहाँहरुलाई बैठकले सफाइ नै दिएको हो।' तर बेलवासेलाई थप लिखित प्रष्टीकरण सोध्ने र काफ्लेलाई निलम्बन मै राख्ने निर्णय पनि भएको छ।
मन्त्री बेलवासेले घुस मागेको भिडियो गत कात्तिकमा सार्वजनिक भएको थियो।
