पटक पटक गर्भपतन गराउनु स्वास्थ्यका लागि गम्भिर समस्या हो । यस्तो जान्दा जाँन्दै पनि सहरका शिक्षित महिला नै पटक पटक गर्भपतन गर्न अग्रसर देखिने गर्दछन् । सरकारसमेत सहभागी भएर हालै काठमाण्डौं उपत्यकामा गरेको सर्वेक्षण प्रतिवेदनले यो तथ्य औलाएको हो ।
अध्ययनमा सरकारी क्लिनिकमा गर्भपतन सेवा लिन आएका महिलाको तुलनामा निजी क्लिनिकमा सेवा लिन आएका महिलाले एकभन्दा बढी पटक गर्भपतन गराएको देखिएको खबर कान्तिपुर दैनिकले छापेको छ । ‘अरु बच्चा जन्माउन नचाहने, प्राथमिक र माध्यमिक शिक्षा हाँसिल गरेका महिलाले अन्य महिलाको तुलनामा एकभन्दा बढी पटक गर्भपतन गराएको पाइयो,’ डाक्टर थापाले भने ।
बढ्दो सहरीकरण, यौन उदारता, परिवा नियोजनप्रतिको लापरबाहीपन, परिवार नियोजनका साधानको सही उपयोग गर्न नसक्दा अनिच्छित गर्भ रहने गरेको देखिएको छ ।
