सर्लाहीमा बिहान 11 बजे गोली हानी लुटपाट

सर्लाहीमा एक व्यक्तिमाथि मंगलबार बिहान ११ बजे गोली हानी करिब एक लाख रुपैयाँ नगद लुटपाट गरिएको छ।

सर्लाहीको गौरीशंकर गाविसमा गोली चलेको हो । सर्लाही प्रहरीका अनुसार ईश्वरपुर गाविस २ स्थायी घर भएका कपडा व्यपारी सुरेश साहमाथि गोली हानी लुटपाट भएको हो । महोत्तरी जिल्लाबाट पैसा उठाएर घर फर्कने क्रममा मोटरसाइकलमा रहेका सुरेशमाथि तीन जना हतियारधारी अज्ञात समूहले आक्रमण गरेको थियो ।
सुरेशले बोकेको नगद लुटिसकेपछि लुटपाटमा संलग्न एकले सुरेशको घुडामा गोली हानेको प्रहरीले बताएको छ । गोही हानेर ज ४ ७४२३ नम्बरको मोटरसाइकल समेत लुटपाटमा संलग्न युवाले लगेको प्रहरीले बताएको छ । घाइतेको उपचारका लागि जनकपुर पुर्याइएको छ भने लुटपाटमा संलग्न पक्राउ परेका छैनन् ।
लुटपाटमा संलग्नको खोजीका लागि सर्लाही प्रहरी खटिरहेपनि यो समाचार तयार गर्दासम्म लुटेरा पक्राउ पर्न सकेका छैनन् ।